Олий Лига мусобақа жадвали пешқадами “Локомотив” чемпионатимизда танаффус юзага келганига қарамай машғулотларни давом эттирмоқда.
“Темирйўлчилар” бугун ТТЙМИ стадионида машғулот ўтказишди. Машғулот жараёнида Ўзбекистон терма жамоаси йиғинига жалб этилган 5 нафар футболчи ҳамда Буркина Фасо терма жамоаси сафига жўнаб кетган Муҳаммад Конедан бошқа барча иштирок этмоқда.
Мураббийлар штаби ушбу футболчиларнинг ўрнини тўлдириш учун ёшлар таркибидан бир қатор истеъдодли ўйинчиларни машғулотларга таклиф этди. Бугунги машғулот жараёнида асосий эътибор рақибнинг зич ҳимоясини ёриб ўтиш ва тезкор ҳужумлар уюштиришни такомиллаштиришга қаратилди.
Қуйида жамоамизнинг машғулотидан видео ҳамда фотолавҳаларни томоша қилишингиз мумкин:
