“Локомотив” – “Бухоро” учрашувидан сўнг мезбонлар устози Андрей Фёдоров қуйидагича фикр билдирди:
– Ўйин биз учун унчалик қийин ўтмади. Аммо кўпчилик футболчиларни бошқа позицияда ўйнатиб кўрдик. Ҳисобга қарайдиган бўлсак, барчаси осон ўтгандек кўринади. Рақиб ким бўлиши, унинг таркибида қайси футболчилар бўлишидан қатъи назар, биз фақатгина ғалаба учун ўйнаймиз. Бугун кам ўйин амалиётига эга бўлган футболчиларга бироз тажриба етишмади. Лекин энг асосийси, ўйин бизнинг назоратимиз остида ўтди. Рақибларга гол уриш учун имконият тақдим қилмадик. Ўз ўйинимиздан мамнунман.
“Пахтакор” бизнинг ўйинчиларимизга қизиқиш билдирмоқда? Айтганингиздек, бу фақатгина миш-миш. Бу савол раҳбарият учун берилса ҳам бўлади. Биз трансферлар ойнасида қўлдан келганча ишлаяпмиз. Ҳаммасини вақт кўрсатади.
Санжар Шоаҳмедов: – Бугун бизга сув ва ҳаводек зарур эди. Жамоадошларим билан қаттиқ ҳаракат қилдик ва уч очкога эга чиқдик.
