Хабарингиз бор, Тошкентнинг “Локомотив” футбол клуби 2016-йилги мавсум якунларига кўра, Ўзбекистон чемпионати олтин медалларига эга чиқди. “Темирйўлчилар” мавсум финишига бир тур қолганида чемпионлик масаласини ҳал қилди.
Айни дамда бир қатор жамоалар ва футбол жамоатчилиги вакилларидан ушбу муносабат билан қутловлар келмоқда. Жумладан, Биринчи лига қатнашчилари – “УзДонгЖу” ҳамда “Норин” жамоалари “Локо”ни чемпионлик билан табриклади:
“УзДонгЖу” профессионал футбол клуби Тошкентнинг “Локомотив” жамоасини ўз тарихида илк бор Ўзбекистон чемпионлигини қўлга киритганлиги билан жамоа раҳбарияти, мураббийлари ва футболчиларини табриклайди.
Келаси йили ОЧЛ баҳсларида омадлар тилаб қолади.
“УзДонгЖу” ПФК матбуот хизмати
2016-йилги мавсумда Ўзбекистон чемпионлигини қўлга киритган “Локомотив” профессионал футбол клубини “Норин” футбол клуби раҳбарияти, футболчилари ва ҳодимлари номидан табриклаймиз!
Ушбу қўлга киритилган улкан ютуқ ва бундай ғалабалар жамоангизга доим ёр бўлсин. Келаси мавсумларда халқаро майдонда ҳам “Локомотив” клубига зафарли юришлар тилаймиз.
“Норин” ФК матбуот хизмати