Бугун “Локомотив” – “Ал Дуҳаил” учрашуви олдидан ҳар икки жамоа устозлари иштирокида матбуот анжумани ўтказилди. Унда Андрей Микляевга маҳоратли ярим ҳимоячи Санжар Шоаҳмедов ҳамрохлик қилди.
– Эртага бизни жуда қизиқарли ва ўз навбатида қийин ўйин кутмоқда. Биринчи галда рақибни куни кеча қўлга киритилган навбатдаги Қатар чемнпионлиги билан табриклайман. Бу – жуда кучли клуб. Уларга қарши ўйнаш осон кечмайди. Буни ўтган сафарги баҳсда ҳам кўрдик. Биз уйда ўйнаймиз. Умид қиламанки, кўплаб ишқибозлар бизни қўллаб-қувватлагани келади ва биз уларга ижобий натижа ҳадя эта оламиз, – дейди тажрибали мутахассис.
– Чиндан ҳам бизни қизиқарли ўйин кутмоқда. Эртага “Локомотив” майдонга фақат ва фақат ғалаба илинжида тушади. Барча қўлдан келганча жамоамиз ғалабасига хисса қўшишга уринади, – деди Санжар Шоаҳмедов.