12 март куни ОФК Чемпионлар Лигасида 4-тур ўйинларига старт берилади.
Тошкентнинг “Локомотив” жамоаси навбатдаги ўйинини уйда Қатарнинг “Ал Дуҳаил” клубига қарши ўтказади. Айни пайтда “темирйўлчилар” жамоаси навбатдаги жуда муҳим беллашувга жиддий ҳозирлик олиб боришмоқда. Жамоа бугун ҳам “Локомотив” стадионида машғулот ўтказди. Унда жамоамизнинг барча аъзолари астойдил шуғулланишди. Эртага “Локомотив” “Ал Дуҳаил”га қарши ўйин олдидан сўнгги расмий машғулотини ўтказади.
Таъкидлаб ўтамиз, “Локомотив” – “Ал Дуҳаил” баҳси душанба куни соат 17:00да “Локомотив” стадионида ўтказилади.