Тошкентнинг “Локомотив” жамоасини олдинда Самарқанднинг “Динамо” жамоасига қарши сафарда ўтадиган жуда масъулиятли учрашув кутиб турибди.
Навбатдаги ўйиндаги ғалаба “Темирйўлчилар”ни муддатидан аввал Олий Лига-2017 чемпионига айланишини таъминлайди. Айни пайтда “Локо” футболчилари “Динамо” билан баҳсга жиддий ҳозирлик олиб боришмоқда.
Жамоамизнинг аксарият футболчилари миллий терма жамоа ихтиёрида бўлишгани сабабли бугунги машғулотда ёшлар таркибидан ҳам бир нечта футболчи асосий жамоа билан биргаликда шуғулланди. Жароҳатини даволаш билан банд бўлган Икром Алибоев ҳамон якка тартибда машғулот ўтамоқда.
