Coca Cola Суперлиганинг 4-тури доирасидаги “Локомотив” – АГМК (2:1) учрашувидан кейинги матбуот анжуманида мезбонлар устози Андрей Фёдоров иштирок этди.
“Бу мавсумнинг ўзида АГМК билан иккинчи марта тўқнаш келишга улгурдик. Рақибни тахлил қилдик, ўргандик, барча ўйинларини кўриб чиқдик. Тўғри кутилмаганда тезкор гол ўтказиб юбордик. Аммо яхшики шогирдларим шошилмасдан ўз ўйинимизни давом эттиришди ва бу самара келтирди. Йигитлар тезкор голдан характер кўрсата олишди.
Танаффусдан кейин ташаббусни бироз рақибга топширдик. Ушбу ҳафта ўртасида Саудия Арабистонида ҳам ва бугун ҳам иссиқда ўйнадик. Шу боис бироз куч сақлаб қолишга ҳаракат қиляпмиз. Олдинда ўйинлар жуда кўп. Концентрацияни йўқотиб қўймаслик керак”, – дейди Андрей Фёдоров.
