Эртага, 30 ноябрь куни Самарқанд шаҳрида Ўзбекистон Кубоги мусобақасининг финал ўйини бўлиб ўтади. Бунда олий лига чемпиони “Локомотив” Қаршининг “Насаф” клубига қарши баҳс олиб боради.
Бугун эрталаб “Локомотив” ПФК вакиллари “Афросиёб” тезюрарди поезди орқали кўҳна ва навқирон Самарқанд шаҳрига етиб келишди. Жамоа 10:30да манзилга етиб келди. 10:45да “Локо” бош мураббийи Андрей Микляев ва футболчимиз Олег Зотеев ўйинолди матбуот анжуманида иштирок этишди.
Соат 11:00дан бошлаб футболчиларимиз ўйин бўладиган стадионда машғулот ўтказишди. Машғулотда жамоа билан Самарқандга ташриф буюрган барча футболчилар иштирок этишди. Фақат Бобур Йўлдоршев билан Неманья Яничич алоҳида шуғулланди.
Эртанги ўйин соат 13:00да бошланади. Учрашувни Власдилав Цейтлин бошчилигидаги ҳакамлар бригадаси бошқариб боради. Беллашувда “Локомотив” қизил, “Насаф” эса кўк рангли футболкаларда тўп тепади.
