Суперлига-2018 вақтида “Локомотив” футбол клуби раҳбарияти мухлислар билан ишлаш принципини ўзгартирди.
Мухлисларга қулайлик яратиш мақсадида рамазон ойи вақтида бепул егуликлар тарқатилди, намоз ўқишлари учун шарт-шароитлар яратилди. Шунингдек, бутун бир мавсум давомида томошабинлар учун турлича акциялар ўтказилди.
Шу боисдан бу мавсумда “Локомотив”нинг уй ўйинларига мухлисларнинг ташрифи янада кўпайди.
“Локомотив” бу мавсумда ўз майдонида 15, “Миллий” стадионида эса 1 уй ўйинини ўтказди.
Ушбу баҳсларга 68234 томошабин ташриф буюрди. Мезбонлигимиздаги энг кўп мухлис 1-босқичда “Миллий” стадионида “Пахтакор”га қарши баҳсда қайд этилди – 19100.
Аксинча, 2-босқичдаги “Бухоро”га қарши ўйинга энг кам томошабин ташриф буюрди – 951.