Суперлиганинг 32-тури доирасида “Навбаҳор” жамоасига қарши ўйиндан кейин “Локомотив” устози Андрей Фёдоров ўз фикрларини билдириб ўтди.
– “Навбаҳор”ни, клуб мухлисларини миллий чемпионатимизда узоқ муддатдан кейин қўлга киритилган бронза медаллар билан табриклайман. Клуб бу мавсум анчагина кучли ўйин намойиш қилди. Сафардаги ўйинлар жамоа учун бироз омадсизроқ ўтди. Аммо бу мавсум “Навбаҳор” олдинга катта қадам ташлади.
“Нефтчи”нинг қуйи лигага тушиб кетиши бироз ачинарли ҳолат. Водий жамоалари айнан “Навбаҳор”дан ўрнак олишса ажойиб бўларди.
“Пахтакор”га қарши ўйинда жуда кўп куч сарфладик. Чемпионлик қўлга киритилди. Шу сабабдан кимдир чарчади, бир неча футболчиларимиз дисквалификация қилинди. Яна кимдир жароҳат олди. Мухлислар “Навбаҳор”га қарши баҳсда “Локомотив” иккинчи таркиб билан ўйнайди деб ўйлаганди. Аммо йигитлар профессионалликни намойиш қилган ҳолда чемпионларга ҳос ўйин кўрсатишди ва ғалабага эга чиқишди. Шу боисдан шогирдларимга миннатдорчилик билдираман.