Марат Бикмаев “Пахтакор” мухлисларидан узр сўради

“Локомотив” ҳужумчиси Марат Бикмаев кечаги хатти-ҳаракатларидан узр сўради.

– Ўзбек футболининг ва “Пахтакор” жамоаси мухлислари! Кеча “Пахтакор” жамоасига урган голимдан кейинги ҳаракатларим учун барчадан узр сўрайман. Бу ақлсизлик эди, мен ҳеч кимни хафа қилишни, хақоратлашни истамагандим. Футболда ҳаммаси бўлади, ҳиссиётлар жўшиб кетади. Жуда қизғин ўтаётган ўйинда адреналинни ушлаб тура олмадим. Соғлом одамман ва барчасини тушуниб турибман. Баҳона қилмайман. Сизлардан яна бор кечирим сўрайман.

Умид қиламанки, бошқа бундай қилмайман.