PEPSI Суперлигасининг 18-тури доирасида “Сўғдиёна”га (0:0) қарши учрашувдан кейин “Локомотив” бош мураббийи Андрей Фёдоров ўз фикрларини билдириб ўтди.
“Кутганимиздек ўйин қийин бўлди. Учрашув қизғин курашлар остида кечди. Стадионнинг ҳолати ўз ўйинимизни кўрсатишга бироз ҳалақит қилди. Шундай бўлишига қарамасдан, кўплаб вазиятлар яратишга уриндик. Агарда биринчи бўлимда гол уриб олганимизда, ўйин сценарийси бошқачароқ кечарди. Омад ҳар доим ҳам келавермайди. Кайфиятни тушурмасдан кейинги учрашувларга тайёрланамиз. Олдимизда қийин ўйинлар бор. Бу баҳсларда ғалаба учун ҳаракат қиламиз”, – деди Фёдоров.
Игнатий Нестеров: “Ўйин жуда оғир ўтди. Бизга осон бўлмаслигини олдиндан билгандик. Яхши ўйин кўрсатдик. Ҳеч нимани йўқотмадик. Энди бизни олдинда кутиб турган икки муҳим учрашувга жиддий тайёрланамиз”.