2016 йил Ўзбекистонда дастлаб “Локомотив” футбол клуби қошида 3 ёшдан 7 ёшгача бўлган болалар учун Loko-Junior мактаби очилган эди. Айни дамга келиб ёш футболчилар сони 100 нафардан ошиб кетди.
Машғулотлар пойтахтимизнинг Эко-Парк ва Лабзак дахасида жойлашган майдонларда бўлиб ўтмоқда. Ранг-баранг, қизиқарли ўтаётган машғулотлар болажонлар ва уларнинг ота-оналари учун бирдек манзур келмоқда. Стадионда барча керакли футбол асбоб-анжомлари билан бирга футболчилар кийим-кечак билан ҳам таъминланган. Айни дамда Loko-Junior мактабида янги гуруҳ учун хужжатлар йиғиш давом этмоқда.
