Даставвал номаълум муддатга қолдирилган Суперлига 4-турининг АГМК – “Локомотив” қарама-қаршилиги 31 март куни ўтказиладиган бўлди.
Шу боисдан “Локомотив” жамоаси вакиллари айни дамда мазкур ўйинга тайёргарликни давом эттирмоқда. Қолаверса, 3 апрел куни ўтадиган ОЧЛ-2018 доирасидаги “Ал Ваҳда” билан беллашувга ҳам ҳозирлик давом этмоқда.
Бугун ҳам “темирйўлчилар” жамоаси “Локомотив” стадионида машғулот ўтказди. Унда миллий терма жамоа ҳамда олимпия терма жамоага жалб этилган 9 нафар ўйинчидан бошқа барча иштирок этди. Мураббийлар штаби бир қатор ёшлар жамоаси аъзоларини ҳам машғулотга жалб этишни лозим топди.
Қуйида жамоамизнинг машғулотидан фотолавҳаларни томоша қилишингиз мумкин:
