Аёллар футзал жамоалари ўртасидаги Ўзбекистон ХIV миллий чемпионатига старт берилди. Пойтахтимиздаги “Ёшлик” спорт мажмуасида 1-тур учрашувлари бўлиб ўтмоқда.
Кичик танаффусдан сўнг яна футзал чемпионатига қайтган “Локомотив” аёллар жамоаси биринчи ўйинни мамлакатимизнинг етакчи футзал клубларидан бири – “Металлург”га қарши ўтказди. Қизиқарли тарзда кечган беллашувда омад бекободликларга кулиб боқди – 6:1.
“Локомотив” футзалчи қизлари навбатдаги ўйинини эртага мамлакатнинг амалдаги чемпиони – “Севинч”га қарши ўтказади.