Жорий ҳафтадан эътиборан Осиё Чемпионлар Лигасининг янги мавсум гуруҳ босқич беллашувларига старт берилди.
Тошкентнинг “Локомотив” жамоаси нуфузли турнирни ишончли ғалаба билан бошлади. “Темирйўлчилар” ўз уйида БААнинг “Ал Ваҳда” клубини 5:0 ҳисобида мағлуб этишга муваффақ бўлишди.
Мазкур беллашувда “Локо” ярим ҳимоячиси Икром Алибоев майдоннинг биринчи ярмидан туриб рақиб дарвозасини қойилмақом тарзда ишғол этишга муваффақ бўлди. Унинг голи турнинг энг чиройли голига 4 нафар номзодлардан бири сифатида қайд этилди.
Шунингдек, 1-тур рамзий жамоасидан “Локомотив”нинг дарвоза қўрғони метин вакили Игнатий Нестеров ҳам ўрин олди. Ишонамизки, “Локомотив” ОЧЛ-2018даги муваффақиятли юришини ҳали узоқ давом эттиради!..
