Игорь Йелич “Локомотив” футболчисига айланди

Тошкентнинг “Локомотив” клуби янги мавсум олдидан ўз таркибини маҳоратли футболчилар билан тўлдирмоқда.

Ўтган мавсумда “Олмалиқ” жамоаси сафида мазмунли ўйин намойиш этиб, 29та учрашувда майдонга тушган ҳолда 5 бор рақиблари дарвозасини ишғол этишга муваффақ бўлган ярим ҳимоячи Игорь Йелич эндиликда “Локомотив” шарафини ҳимоя қилади.

“Локомотив”нинг Дубай йиғинида иштирок этаётган сербиялик 28 ёшли марказий ярим ҳимоячи клуб билан шартнома имзолади. У эндиликда “Локомотив” таркибида 88-рақам остида майдонга тушади.

Таъкидлаш жоизки, Игорь Йелич бунга қадар “Вождовац”, “Младость”, “ОФК Белград”, “Нови Пазар” каби бир қатор болқон клублари шарафини ҳимоя қилган.