Тошкентнинг “Локомотив” клуби БААнинг Дубай шаҳрида мавсумолди илк хориж йиғинини давом эттирмоқда.
“Темирйўлчилар” Дубайда кунига 2 маҳалдан машғулотлар ўтказишмоқда. Куннинг биринчи қисмида майдонда тактик машқлар бажарилаётган бўлса, тушдан сўнг тренажёр залида жисмоний юкламалар устида иш олиб борилмоқда. Машғулотларда барча футболчилар астойдил меҳнат қилишмоқда.
“Локомотив” эртага Дубай йиғини доирасидаги илк назорат беллашувини ўтказади. Унда жамоамизга Шотландиянинг “Абердин” клуби рақиблик қилади.
