Кеча Қаршида “Насаф” меҳмони бўлган “Локомотив” футболчилари бугун эрта тонгда Тошкентга қайтиб келишди. Тушдан сўнг эса “Локомотив” стадионида ўйиндан кейинги тикланиш машғулоти ўтказилди.
Машғулот аввалида мураббийлар штаби футболчиларга кечаги учрашув ҳақида тезроқ унутиш ҳамда олдиндаги ҳал қилувчи беллашувларга бор эътиборни қаратиш лозим эканини таъкидлади. Сўнг барча енгил югуриб олди ва чигалёзди машқлари бажарилди.
Кейин эса кечаги ўйинда қатнашган футболчилар дастлаб бассейнда, сўнгра тренажёрда шуғулланишди. “Насаф” билан ўйинда иштирок этмаганлар эса майдонда тўп билан муомала машқлари ўташди.
Қуйида севимли жамоамизнинг бугунги машғулотидан фоторепортажни томоша қилишингиз мумкин: