Хабарингиз бор, Тошкентнинг “Локомотив” клуби Беларусь пойтахти Минск шаҳрида ўқув-машғулот йиғинига киришди.
“Темирйўлчилар” жамоаси Минскда кунига икки маҳалдан машғулотлар олиб бормоқда. Машғулотлар Андрей Микляев, Мирко Йеличич, Андрей Фёдоров ҳамда Пётр Гизимчукдан иборат мураббийлар штаби томонидан ўтказилмоқда. Уларда 24 нафар футболчи иштирок этмоқда. Идрис Бикмайкин ҳамда Блессинг Олабиран Муйива “Локо” сафида кўрикдан ўтишмоқда.
Қуйида жамоамизнинг бугунги машғулот жараёнидан фотосуратларни ҳамда қисқа видеолавҳани томоша қилишингиз мумкин:
