Мамлакатимизнинг амалдаги чемпиони – “Локомотив” бугундан Олий Лига иккинчи давра баҳсларига ҳозирликни бошлади.
“Темирйўлчилар” жамоа қароргоҳида йиғилишди ҳамда кечки пайт машғулот ўтказилди. Унда жамоамизнинг деярли барча аъзолари иштирок этишди. Қолаверса, “Локо” машғулотларига истеъдодли футболчи Идрис Бикмайкин ҳам қўшилди. У “Локомотив”нинг Минскда ўтадиган хориж йиғинида иштирок этади. Шунингдек, ўз юртига бироз ҳордиқ чиқариш учун йўл олган жамоамиз аъзоси – Муҳаммад Коне йиғинга Минскда қўшилади.
Умуман олганда, бугунги машғулот жараёни анча кўтаринки руҳда ўтди. Қуйида ундан олинган фотосуратларни томоша қилишингиз мумкин:
