“Локомотив” футбол мактаби тарбияланувчилари кеча ўртоқлик ўйинида майдонга тушишди. “Локомотив-BFL”га “JFL-Ташкент” клуби ёш футболчилари рақиблик қилишди.
Германиянинг “JFL” академияси билан ҳамкорликда фаолият бошлаган клубнинг 5 ҳамда 6 ёшдаги тарбияланувчиларига қарши кечган беллашувда Азизхон Умаров тарбиялаётган “ёш темирйўлчилар” майдонда саф тортишди. Учрашувлар дастлаб 5 ёшли болакайлар ўртасида кичик майдончада, кейин эса 6 ёшли болалар ўртасида нисбатан каттароқ майдончада ўтказилди.
Таъкидлаш жоиз, ўйинларни томоша қилиш учун ташриф буюрган ота-оналар ҳам жажжи футболчиларнинг ҳаракатларини мароқ билан кузатиб боришди.
