Ўзбекистон Кубогининг амалдаги соҳиби “Локомотив” жорий йилги Кубок баҳслари 1/8 финал ўйинлари доирасида “Қизилқум” билан тўқнаш келди. Тошкентда ўтган илк учрашувда 5:0 ҳисобида ғалабага эришган “темирйўлчилар” айни пайтда Навоийда кечадиган жавоб ўйинига ҳозирлик олиб боришмоқда.
Бугун ҳам “Локомотив” стадионида машғулотлар ўтказилди. Жамоа машғулотларни кўтаринки руҳда давом эттирмоқда. Унда жароҳатланган футболчиларимиз иштирок этишаётгани йўқ. Миллий терма жамоамизнинг ҳозирда Тошкентда бўлиб турган легионерлари – Темурхўжа Абдухолиқов ва Сервер Жепаровлар “Локомотив” билан биргаликда шуғулланишмоқда.
Бугунги машғулот анчагина кўтаринки кайфиятда ўтди. Қуйида ундан фотолавҳаларни томоша қилишингиз мумкин:
