“Локомотив-2006”: 3 ғалаба, ЦСКА билан дуранг,  “Кёльн” га ютказдик

Олдинги хабарларимизда “Локомотив -2006”нинг Латвияга жўнаб кетгани ва Liеpaja Spring Cup мусобақасида ўз иштирокини бошлагани ҳақида маълумот бериб ўтгандик.

Кеча тарбияланувчиларимиз “С” гуруҳида “Елгава” (Латвия), “Табасалу” (Эстония), “Шяуляй” (Литва) клубларини бир хил – 1:0 ҳисоби билан мағлубиятга учратишди. Германиянинг энг кучли академияларидан бири саналадиган “Кёльн” клубидан мағлубиятга учраган бўлсак, Россиянинг ЦСКА клуби билан 1:1 натижаси қайд этилди. Гуруҳда ёш “темирйўлчилар” ЦСКА билан бир хил 10 очко жамғарди, аммо тўплар нисбатига кўра учинчи ўринни эгаллаб кумуш гуруҳ (Silver group)дан жой олди.

photo_2017-05-27_12-59-56

Бугун Эркин Саидов ва Суннат Рўзиев бошчилигидаги “Локомотив-2006” Эстониянинг “Таллин”, Финляндиянинг “КаПа Юнайтед”, Латвиянинг “Шяуляй”, Литванинг “ФМ Фортуна” ва “Балтай” жамоаларига қарши майдонга тушади.

photo_2017-05-27_13-02-48

Кичик “темирўлчилар”га омад тилаймиз.