Олий лига турнир жадвалида пешқадамлик қилаётган “Локомотив” 6 та ўйинда 13 бор гол уришга муваффақ бўлди. Мана шу 13 голдан еттитаси Марат Бикмаевга тегишли.
Бикмаев кўз тегмасин, бу йил яхши мавсумни ўтказяпти. У Осиё чемпионлар лигасида ҳозирча бешта гол уришга муваффақ бўлди. Бикмаев олий лигада “Машъал”, “Сўғдиёна”, “Олмалиқ” дарвозасига биттадан, “Насаф” билан “Пахтакор”га эса иккитадан тўп киритди.
У шунингдек, ОЧЛда “Ал Аҳли” ва “Истиқлол” дарвозасини бир мартадан ишғол қилган бўлса, “Ал Таавон” билан кечган ўйинда учта гол уриб тур қаҳрамонларидан бири бўлди ва натижада ОФК томонидан тузиладиган тур рамзий терма жамоасига киритилди.
“Локомотив” эртага, 29 апрель куни ўз майдонида “Обод”га қарши баҳс олиб боради. Бу ўйинда ҳам Бикмаевдан голлар кутиб қоламиз.
