Superliganing 21-turi doirasida “Bunyodkor”ga qarshi o’yindan keyin jamoamiz bosh murabbiyi Aleksandr Krestinin fikrlarini bildirdi.
– Birinchi bo‘limda voqeliklar ko‘p bo‘ldi, tomonlar yaxshi o‘yin ko‘rsatishdi. Ikkinchi bo‘limda esa raqiblar istaganini qilishdi. Shu sababli natijani ham ilib ketishdi.
– Tanaffusda bo‘lgan vaziyat o‘yinga qanchalik ta’sir o‘tkazdi?
– Hech qanday. Ha, bu ikkala jamoaning ham foydasiga ishlamasdi. Lekin biz ham ular ham bir xil sharoitda edik.
– Mag‘lubiyatning sababi nimada?
– Ikkinchi bo‘limda biz o‘yinni tashlab yubordik. O‘yinimiz o‘xshamadi deya olmayman, shunchaki umuman o‘ynamadik. Ikkita yuz foizlik vaziyatlarga ega bo‘ldik, lekin bu unchalik e’tiborli bo‘lmaydi. Bularning barchasini ko‘rib chiqamiz.