Янги мавсумга тайёргарликни Анталияда олиб бораётган “Локомотив” футбол клуби бугун дастлабки ўртоқлик учрашувини ўтказади.
Рақибимиз – Туркманистоннинг “Олтин Аср” клуби. Учрашув маҳаллий вақт билан 17:30 (Тошкент вақти билан 19:30)да бошланади.
Бугун жамоамиз футболчилари ўйин олдидан қирқ дақиқалик машғулот ўтказишди. Машғулот енгил тарзда кечди ва бунда асосан тўп билан ишланди. Энди жамоанинг бор эътибори ўртоқлик ўйинига қаратилади.
